Novas

O Concello de Ourense desbloquea máis de medio millón de euros en axudas sociais

Ourense, 16 de xullo de 2015.-

A Xunta de Goberno Local celebrada esta mañá ven de aprobar a contratación, mediante procedemento negociado sen publicidade, do proxecto de acondicionamento e posta en valor de camiños do perímetro rural no Concello de Ourense.

Esta actuación será adxudicada á empresa Desmaco S.L. por un importe de 68.391,05 euros, o que supón unha rebaixa do 24,18% con respecto ao investimento inicial, de 90.201 euros. A contratación destas obras, permitirá mellorar o estado de catro camiños cuxo firme, asfáltico ou de formigón atópase en mal estado polo deterioro. A intervención executarase no camiño que comunica as localidades de Palmés e Naves, os accesos a Cerdenao, o camiño Abelaira-O Castro e o Camiño de Abeleda.

Tamén se acordou a aprobación inicial do proxecto de urbanización do ámbito número 1 da área de reparto 43-O "Remedios I", na zona do próximo centro de saúde, redactado pola adxudicataria E.I.C. Durán S.L., cun orzamento de execución material de 700.000 euros. Ligado a este asunto, se acordou neste punto remitir a informe da Confederación Hidrográfica do Miño-Sil este proxecto aos efectos previstos na normativa de augas e planificación hidrolóxica.

No eido social, a Xunta de Goberno Local acordou solicitar á Consellería de Traballo e Benestar da Xunta de Galicia colabore na financiación dos servizos comunitarios prestados no albergue de transeúntes, así como dos servizos sociais comunitarios de titularidade municipal (Axuda no Fogar e xestión de programas).

 O goberno municipal desbloquea máis de medio millón de euros en axudas sociais Por outra banda, e xa fóra das cuestións que o goberno municipal abordou en Xunta de Goberno Local, o Concello de Ourense ven de desbloquear 545.173,53€ euros en axudas sociais.

Esta semana resolvéronse o pendente de pago das axudas a entidades sen lucro do ano 2014, cun importe de 264.379,63€ (entidades de axuda e emerxencia social, tratamento de enfermedades, drogadiccións e outras adiccións). Tamén o goberno municipal acaba de resolver a subvención anual do presente ano, a favor de 25 entidades sociais cunha unha axuda total de 280.794,53 euros O Concello de Ourense considera prioritario o apoio ás entidades sociais da cidade, polo que neste mes de xullo desbloqueou un total de 545.173,53 euros en axudas destinadas ao ámbito social e asistencial. Deste importe total, 264.379 euros corresponden ás axudas de 2014, pendentes de pago as entidades sen lucro, e que tras diversas reunión estos días cos beneficiarios para a cumplimentación da documentación, foi resolta administrativamente esta semana.

No que respecta ás axudas deste exercicio económico, o goberno municipal ven de resolver a favor de 25 entidades sociais unha axuda total de 280.794,53 euros en subvencións. As bases aprobadas o pasado 12 de marzo para regular estas subvencións teñen por obxecto dar resposta ás demandas sociais e fomentar as actividades das entidades sen ánimo de lucro, dentro do municipio de Ourense.

 As actividades deberán ir dirixidas de forma prioritaria a persoas e colectivos en situación de vulnerabilidade social. Son obxecto destas subvencións programas, proxectos ou accións que teñan por finalidade o fomento de actividades de utilidade pública e interese social ou de promoción social, que cumplan os requisitos das bases. Considéranse gastos subvencionables os gastos directos de funcionamento da entidade necesario para o desenvolvemento das actividades obxecto da subvención (persoal, gastos correntes, etc.), así como os gastos indirectos relacionados co cumprimento das actividades obxecto da subvención (aluguer, gastos de auga, luz, etc.).